TVRI YOGYAKARTA NEWS – WIDI – HARIF YUDA
Sisa woh-wohan menapadene janganan kanyata saged dipun olah dados eco enzim ingkang migunani sanget tumrap kasarasan, pertanian, peternakan engga lingkungan. Cara ndamelipun ugi namung prasaja, kados pundi caranipun sumangga dipun pirsani andaran menika.
Woh-wohan menapadene janganan ingkang sampun mboten dipun mupangtaken menawi dipun bucal temtunipun badhe ndamel regeting lingkungan. Kamangka menawi dipun kemonah kanthi sae, sisa-sisa who-wohan menapadene janganan kala wau saged gadhah piguna ingkang ageng. Salah setunggalipun kados ingkang dipun kemonah dening neni widuri, saking Guwosari Pajangan Bantul ingkang ngolah woh-wohan lan janagaan dados eco enzim. Eco enzime menika mujudaken cairan ingkang migunani lan saged dipun mupangtaeken ing balegriya, tetanen,kesehatan engga peternakan. Menggah caranipun ndamel eco enzime menika ugi kapetang namung gampil. Bahan ingkang dipun ginaken inggih menika arupi sisa-sisa woh-wohan ingkang mboten bosok lan mboten wonten uleripun. Woh-wohan kala wau saklajengipun dipun kumbah engga resik saklajengipun dipun rajang alit alit. Bahan sanesipun inggih menika arupi toya resik sarta molase utawi tetes tebu. Supados asilipun sae lan maksimal menawi badhe ndamel eco enzime sedasa liter, bahan ingkang dipun ginaken inggih menika toya resik sedasa liter, molase setunggal liter, sawetawis woh-wohanipun tigang kilogram. Sedaya bahan ingkang sampun cumawis kala wau saklajengipun dipun lebetaken ing setunggaling wadah saged arupi ember tilas cet menapadene tilasing gendol toya mineral. Bahan wau dipun leremaken sadangunipun tigang wulan, nembe dipun panen. Saking eco enzim menika saged dipun mupangtaken kangge nyemprot taneman, dipun olah dados bahan campuran sabun, kecantikan lan sakpiturutipun.
Ngolah uwuh organic menika dados setunggaling cara manajemen uwuh dados setunggaling barang ingkang mupangati, sae menia tumprap manungsa,lingkunagn kepara saged ngirangi gas rumah kaca ingkang wusananipun saged ngirangi pemanasan global.
