TVRI YOGYAKARTA – SETYA BUDI
Abdi dalem lan ewonan warga masyarakat sami anyartani lampah budaya mubeng beteng mahargya warsa enggal jawi 1 Suro 1958. Mubeng beteng menika dados peranganing munajat dhmateng ngarsanipun gusti ingkang murbeng dumadi supados tansah pikantuk kawilujengan.
Ewoanan warga masyarakat dalah abdi dalem nyartani lampah budaya mubeng beteng ing dinten minggu 7 juli 2024 tabuh kalih welas ndalu., Mubeng beteng mujudaken tradisi run tumurun wiwit paprentahan ngarsa dalem sri sultan Hamengku Buwono II.Duk rikala semanten, tradisi mubeng beteng mujudaken upacara resmi utawi kenegaraan keraton ngayogyakarta hadiningrat. Tradisi mubeng beteng katindaken kanthi taap bisu ingkang dados pralambang kaprihatosan diri saengga kanthi sumene, badhe saya langkung saged mawas diri kangeg ngadhepi gesang ing tahun candhakipun. Tapa bisu ugi dados srana mawas diri menapa ingkang sampun katindaken ing tahun saderengipun sinambi munjukanen donga. Saderengipun mubeng beteng, abdi dalem lan masyarakat badhe ngempal manunggal ing bangsal pancaniti saperlu tumut maos macapat kadaotsa dhandanggulo ingkang mralampitakaken donga pamuji ing saklebeting badhe anglampahi gesang ingkang saya sae. Macapat ingkang kagelar menika ugi gadhah tujuwan supados masyarakat ingkang anyartani mubeng beteng, ing batinipun mlebet ing swasana wening. Saklajengipun ungeling lonceng kyai brajanala kaping kalih welas mertandani wiwitipun mubeng beteng pas tabuh kalih welas dalu. Lamph budaya mubeng beteng menika, abdi dalem badhe lumapah nglawan arah jarum jam, inggih menika tumuju arah mangilen mergi rotowijayan, saklejengipun mangidul mergi wachid hasyim pojok beteng kulon, lajeng tumuju mangetan plengkung gading engga pojok beteng wetan, mlampah tumuju mangaler dumugi ing mergi ruswa saklajengipun purno ing alun-alun ler kraton Ngayogyakarta.
