TVRI YOGYAKARTA NEWS – WIDI – YUDHA
Wande angkringan ing Ngayogyakarta sampoun sumebar engga dumugi ing padususnan engga pojok kitha, usaha menika ndamel mubeng ekonomining rakyat.
Sinten ingkang mboten mangertoosi kaliyan wande angkringan. Meh ing sedaya laladan wiwit saking kitha engga padusunan. Wande ingkang gadhah ciri mirunggan ngginaken terpal werni biru menika tansaya kathah. Salah satunggaling daharan mirunggan ing wande angkringan inggih menika sekul kucing. Kaparingan nami sekul kucing jalaran dipun damel ngginaken sekul ingkang namung sekedhik, kadosdene nalika badhe nyukani pakan kucing, sawetawis lawuhipun inggih menika gereh, oseng-oseng tempe sarta sambel. Daharan sanesipun ingkang dipun sade ing antawisipun mankeawerni gorengan wiwit saking tempe, tahu, sate usus ayam, sate tigan puyuh, krupuk, kripik lan sak panunggalanipun, unjukanipun ugi maneka werni kadosta teh, jeruk, kopi, tape, wedang jahe lan susu. Sedaya wau dipun sade kanthi regi ingkang mirah. Sinaosa bikak ing pinggiraning mergi lan jinising dedaharan inggih namung prasaja, ananging tetiyang ingkang tumbas daharan rakyat menika ugi saking maneka werni kalangan. Salah setunggalipun kados angkringan gadhahanipun ibu endang ingkang bikak dasar ing lapangan Kasihan Tamantirto, Kasihan Bantul, piyambakipun bukak wande angkringan menika sampun tiga welasan tahun dangunipun. Saben dintenipun piyambakipun bikak saking tabuh gansgal enjing dumugi tabvuh kalih welas dalu, kanthi dipun gilir kaliyan sederekipun.kajawi mangsak piyambak dagnagan ipun ugi dipun pasok dening tangga tepalihipun. Bab ingkang mekaten menika mujudaken jejaring ekonomi ingkang tansah sesambetan lan paring bebathen ing antawis setunggal.
