TVRI YOGYAKARTA NEWS – WIDI-HARIF YUDA
Usaha budidaya tela pendem sapanyana anggadhai pangajeng–ajeng ingkang sae, kajawi asilipun maremaken, saged minagka diversifikasi pangan.
Bangsa indonesia mekaten pancen sampun gumantung kaliyan wos minagka bahan tetedhan pokokipun, radin-radin saben setunggal tiyang nelasaken wos satus kalih dasa tiga kilo saben setungal tahunipun. Warga masyarakat gadhah pananggeb menawi dereng nedha sekul saking wos kaanggeb dereng nedha lan tasih luwih. Kawontenan ingkang mekaten menika ndamel kabetahan wos inggil lan kedah ndhatengaken saking manca negari utawi import, minangka bangsa agraris bangsa indonesia menika gadhah sumber pangan sanes ingkang kawasatanan pala gumantung menapadene pala kependem. Bahan pangan wau saged dipun dadosaken diversivikasi pangan penggantos wos. Salah setunggaling pala kependem ingkang saged dipun dadosaken bahan diversivikasi pangan inggih menikma tela pendem sapanyana. Tela pendem sapanyana menika cocok sanget dipun budidayaken ing dataran andhap engga gangsal atus meter saking sak nginggiling seganten. Cara budidayanipun saged kanthi cara stek pucukipun, wohipun ugi maremaken sanget, kanthi pangrimatan ingkang sae saben setunggal hektar saged ngasilaken tigang dasa ton. Dananjaya sawemeh kadang tani saking pesisir samas mratelaken cara nanem tela pendem sapanyana ugi gampil sanget, tataran sepisanan dipun nglha lahan apsir ingkang dipun tambahi rabuk organik, nembe winih tala pendem sapanya dipun tanem ing lahan. Jalaran katanem ing lahan psisir, bab wigatio ingklang kedah pun gatpoaken ingih menika nyirami lahan saben dinten. Bab sanes ingkang kedah dipun wasapadani ing salebeting budidaya tela pendem sapanyana inggih menika ama boleng. Taneman tela sapanyana ingkang dipun tanem dening dananjaya menika nembe kalih wulan, lan tuwuyhipun subur sanget. Imng wekdal tigang wulan taneman tela menika sampun dipun panen.
