TVRI YOGYAKARTA NEWS – MARGOLARAS
Pamirsa, ing pungkasaning wulan Agustus dados krentegpun warga masyarakat anggenipun mungkasi pengetan dinten Kamardikan Republik Indonesia ingkang kaping pitung ndasa sanga. Kados ing Padukuhan Kali Pakem Seloharjo Pundong Bantul, warga ngawontenaken kirab budaya, ngiras pantes nyengkuyung wontenipun tradisi merti dusun.
Regengipun pengentan dinten Kamardikan Republik Indonesia ingkang kaping pitung ndasa sanga, tasih kraos ing pungkasaning wulan Agustus menika. Ing Padukuhan Kali Pakem Seloharjo Pundong Bantul, warga ngawontenaken kirab budaya saben saben klempakan pasarta ngagem busana kreasinipun, lan mbeta manekawerni gunungan asilb umi, warga sami mlampah tumuju ing balai dusun. Dukuh Kali Pakem Rustanto mratelekaken, bilih kirab budaya menika mujudaken krentegipun warga utaminipun para ketua rt, wiranem lan tokoh masyarakat kanthi pangajab kajawi minangka krida mangayubagya dinten Kamardikan Republik Indonesia, ugi dados srana ngrumaketaken pasederekan, saha nglestantunaken budaya tingalan leluhur.
Ing saklebeting kirab budaya menika, para pasarta sami nyegahaken potensinipun, wiwit saking kesnian, engga lare tpa, saengga dados wujud nyata krentegipun warga nyawiji mbangun dusun lumantar budaya. Kanthi gumbira, warga nderek adicara kirab budaya menika ngatos purna.
