TVRI YOGYAKARTA NEWS – SETYA BUDI
Ing mangsa ketiga menika, taneman sata gadahanipun kadang tani ing laladan Kapanewon Purwosari Gunungkidul katah ingkang dipun rebasa ama kutu banci. Kajawi ngedhakaken bobot kasaenaning sata, ama kasebat ugi ndamel pengaosing sata ugi mandhap.
Kadang tani sata ing laladan Kapanewon Purwosari Gunungkidul, wekdal sakemnika nembe ngadhepi wontenipun ama kuti banci lan triup, ingkang ngrebasa taneman satanipun. Kados ingkang dumados ing taneman satanipun kadang tani ing Dusun Petoyan Purwosari Gunungkidul menika. Sujadi salah saweneh kadang tani ngandaraken, bilihi taneman sata gadahanipun ingkang nembe umur 2 wulan, katah ingkang katerak ama kutu banci ingkang nerak perangan ron lan batang sata. Taneman ingkang katerak ama kutu banci menika dipun prtandani kanthi wontenipun werni cemeng ing ron lan batang taneman. Manwi mboten enggal – enmggal dipun kendaleni, saget ndamel taneman sata pejah. Kangge ngawekani saya ngrebasanipun ama kutu banci kasebat, sujadi ajeg nyemprot taneman satanipun mawi insektisida. Kajawi dipun rabasa ama kutu banci, taneman sata gadahanipun sujadi menika ugi katerak virus, ingkang dipun pertandani kanthi tuwuhing sata dados kunthing lan ronipun dados kriting. Awit saking kawontenan menika, ndayani pengaosing sata ugi mandhap. Piyambakipun ndugi asil panen taneman satanipun namung pajeng 4 yuta rupiyah, kamangka ing kawontenan sae, asil panen satanipun saget pajeng engga 7 yuta rupiyah.
Kangge ngirangi kapitunan, sujadi badhe manen lan ngrajang ron satanipun piyambak , mboten mupangataken tenaga buruh petik lan ngrajang. Saengga beya ingkang dipun dalaken saget langkung sekedhik.
