TVRI YOGYAKARTA NEWS – HENDRI-ABDUL ROHIM
Minangka kangge kupiya ngirit beya lan pangginaning toya, kadangtani sampun wiwit kathah ingkang migunaaken cara irigasi migunaaken nozzle. Cara menika ugi saged ndamel toya irigasi kangge taneman saged radin.
Sumbering toya ing saben papan temtu benten-benten. Nalika pasudiyan toya kathah lan lahan pertanoian mapan wonten ing lahan ingkang radin temtu bab meinka mboten dados setunggaling perkawis. Ananging menggahing kadang tani ingkang kagungan lahan olah tetanen ing pundi pasudiyan toya sekedhik lan lahanipun mboten radin temtu dados setunggaling prpalang. Rahayunipun ingh wekdal sakmenika wonten setunggaling cara kangge ngawekani perkawis wau salah setunggaliipun inggih menika lumantar sistem irigasi sprikle migunaaken ptrangkat nozzle ingkang ndamel toya irigasi kangge nyirami taneman kadosdene embun. Sanadyan kedah ngedalaken beya ingkang radi kathah kangge mundhut prangkat sprinkle lan pipa ananging kanthi cara menika menawi dipun etang saged ngirit beya produksi. Ingkang baken kadang tani mboten kedah ngedalaken beya kangge berah, saged ngirit wekdal nalika panjenngan migunaaken cara irigasi menika panjenengan saged nyambi nindaaken pakaryan sanesipun ing wekdal ingkang sesarengan. Kejawi menika pangginaning toya langkung efektif lan radin ing sedaya taneman amargi prangkat menioka migunaaken pipa ingkang dipun pasang wonten ing saben bedengan. Irigasi cara menika kapetang murakabi amargi kejawi saged idpun ginaaken kangge irigasi taneman, ugi saged dipun ginaaken kangge nyukani rabuk cuer lan kangge nyukani obat kangge njagi kelembaban siti lan iklim ingkang dipun betahaken kangge tuwuhing taneman ingkang dipun budidaya. Irigasi nozzle menika padatanipun dipunginaaken knagge komoditi olah tetanen ingkang nggadahi bobot ekonomi inggil kadosta taneman who lan janganan. Dene sumbering toya ingkang dipun ginaaken padatanipun saking sumur boor.
