TVRI YOGYAKARTA NEWS – MARGOLARAS
Pamirsa, mi lethek kaanggep mboten namung minangka dhaharan tradisional kemawon, ananging mujudaken budaya saking leluhur. Kangge nglestanaken lan nepangaken malih dhaharan bakmi tradisional menika, ing Kalurahan Caturharjo Pandak Bantul dipun wontenaken festival mi lethek.
Dhaharan mi lethek tasih kathah dipun panggihaken wontening Bantul mliginipun ing laladan Kapanewon Pandak lan Srandakan. Ing kalurahan srandakan piyambak wonten produsen mi lethek ingkang nyekapi kabetahan bahan mi lethek ing Bantul. Kangge nguri uri lan nepangaken malih dhaharan mi lethek menika, wontening kalurahan caturharjo pandak bantul dipun wontenaken festival mi lethek. Festival menika dipun gelar dining mahasiswa UAD Ngayogyakarta sesarengan kalian Pamarintah Kalurahan Caturharjo Pandak Bantul. Ing krida menika para pasarta festival nyawisaken mi lethek kangge para pengunjung ingkang ngersakke tumbas lan dhahar, kanthi dipun mangsak sak miturut resep piyambak piyamabak. Saengga pengunjung saget mirsani tata caranipun mangsak mi lethek, saha saget milih dhaharan mi lethek saking pasarta ingkang dipun remeni. Salah satunggal pasarta festival, ngandaraken, kangge nuwuhaken cita raos mi lethek ingkang eco wonten tata caranipun, kajawi bumbu mangsak ingkang dipun agem.
Kanthi festival menika dipun ajab saget nyengkuyung wisata ing pesisir Bantul. Para pelancong menawi bade madosi lan ngedapi dhaharan mi lethek, kathah pilihan warung kuliner ing Pandak lan Srandakan Bantul ingkang nyawisaken dhaharan mi lethek.
