TVRI YOGYAKARTA NEWS – JATIMKO HADI
Ewonan warga masyarakat giripeni wates kulonprogo anyartani kenduri agung ing lapangan desa, mingangka wujud syukur awit dipun kepyakakenipun Kalurahan Giripeni minagka kalurahan budaya ing kabupaten kulonprogo.
Langkung saking 2 ewu warga masyarakat Giripeni ingkang mujudaken warga saking 50 rukun tetanggan ing Kalurahan Giripeni Wates, dinten setu kala wingi sami makempal ing Lapangan Desa Giripeni saperlu nyartani kenduri agung lan kembul bujana. Adicara menika mujudaken krida mangayubagya kjalurahan giripeni wates ingkang dipun kepaykaken minangka kalurahan budaya. Adicara kawiwitan kanthi kirab ngupengi laladan Kalurahan Giripeni. Ing saklebeting kirab lan kenduri agung menika para warga sami mbeta manekawerni gunungan asil bumi, sekul tumpeng engga daharan sanesipun. Adicara dipun pungkasi kanthi kembul bujana ing Lapangan Desa Giripeni. Kanthi dipun kepyaklaken minangka kalurahan budaya, dipun ajab saget nguri–uri khasanah budaya ingkang wonten ing laladan giri peni wates, ingkang tundanipun ugi saget ndamel gesangipun warga Giripeni langkung ayem, lantentrem.
Kajawi Kalurahan Giripeni, ugi wonten 5 kalurahan ing Kulonprogo ingkang dipun kepyakaken minangka kelurahan budaya, saengga dumugining wekdal menika gunggung kalurahan budaya ing Kabupaten Kulonprogo wonten 21 kalurahan.
