TVRI YOGYAKARTA NEWS – ADI NGUROHO
Kangge mupangataken lahan sasampunipun panen brambet, amomg tani pesisir Bantul kathah ingkang sami mbudidaya jagung manis manakwerni varietas. Salah setunggalipun varietas jambore ingkang kaloka kiyat ngajengi ama sesakit.
Panyuwunan jagung manis ing wekdal sakmenika kapetang sae, kepara ajeg. Ananging emnaipun dereng kathah ingkang nanem, kathah-kathahipun inggih nanem jagung biasa kangge pakan. Kados naminipun, jagung menika nggadahi raos ingkang langkung manis kapandingaken kaliyan jinis padatanipun. Menapa malih pangrimatipun taneman jagung menika kapetang gampil. Setunggaling kadang tani ing Srigading Bantul ngandaraken bilih ingkang baken sitinipun kedah ing kawontenan garing mboten kembeng toya. Kejawi menika ugi kedah dipun resiki saking gulma utawi mantun. Mantun menika mujudaken perangan ingkang baken kangge ngicali suket ingfkang tuwuh ing saktengahing wit jagung. Menawi mboten dipun icali suket wau badhe tuwuh langkung subur kapandingaken kaliyan traneman jagungipun. Kejawi menika taneman jagung wau ronipun badhe jene ingkang ndayani asiliing jagung mbgoten sae. Piyambakipun namung ngelebi taneman jagungipun kaping kalih inggih menika ing umur 20 lan 35 dinten. Taneman jagung manis varietas jambore menika sampun saged panen ing umur watawis 3 wulan. Piyambakipun ngakeni bilih panyuwunan jagung manis menika kapetang ajeg kepara tansaya mindhak. Mboten wonten sesakit ingkang kedah dipun wigatosaken ing saklebeting nanem jagung menika. Menawi sampun wonten taneman ingkang dipun panen, piyambakipun lajeng nggantos taneman wau dados taneman ingkang enggal.
