TVRI YOGYAKARTA NEWS – ADI NGUROHO
Dumugi wedal sakmenika, rabuk kandang mliginipun bucalan ayam, lembu lan mendha tasih dados kebetahan mirunggan menggahing kadang tani lahan gesik. Tanpa wontenipun rabuk menika, mokal olah tetanen lahan gesik saged kasil kanti sae.
Lahan gesik ing laladan pesisir supados saged dipun tanemi manekawerni asil olah tetanen kanyata mbetahaken rabuk kandhang ingkang gunggungipun kathah, dipun tambah rabuk sekunder sanesipun supados asilipun sae. Sampun sawetawis wekdal menika kadang tani ing lahan pesisir sampun mbukteaken bilih olah tetanen ingkang dipun tindaaken ing papanipun asilipun saged sae. Ananging kemawon pancen wonten sawetawis perangan ingkang kedah dipun gatosan. Salah setunggalipun inggih menika kabetahan rabuk kandang. Kadang tani ing lahan pesisir mupangataken bucalan lembu. Rabuk bucalan lembu meik amirunggans anget amargi ing lahan tetanen menika sitinipun inggih namung gesik kemawon saengga kedah dipun gemburaken rabuk kandang menika mangkeh taksih dipun tambahi rabuk pabrikan arupi TS ingkang tujuanipun dadosaken rabuk kandang menika dados remi utawi nyampur kaliyan gesik ing lahan menika. Setunggal rit rabukkandnag menika pengaosipun 800 ewu rupiah. Ananging menawi mbetahaken jasa angkut truk kemawon namung 400 ewu rupiah. Kadang tani mundhut rabuk kandnag menika saking para kadang tani ternak ing sakiwa tengening pesisir Bantul enika amargi ing laladan meika ugi kathah wargha ingkang sami ngingah rajakaya. Miturut rantaman lahan ingkang sampun dipun upakara menika mangkeh badhe dipun tanemi brambet. Kados ingkang kwuningan bilih brambet sampun dados komoditas olah tetanen kadangtani ing pesisir bantul menika. Kadangtani ngajab supados mnangkeh asilipun nanem brambet saged kasil kalis saking ama lan sesakit.
