TVRI YOGYAKARTA NEWS – ADI NUGROHO
Mangsa ketiga ingkang panjang kanyata ugi mboten dados pepalang menggahing kadang tani kangge mbudidaya janganan ing lahan kritis. Kuncinipun kedah trampil milih komoditas janganan ingkang mboten rewel sratenanipun, salah setunggalipun kangkung oyot.
Kados mekaten menika taneman janganan kangkung ingkang dipun budidaya dening bagong, salah saweneh kadangtani ing laladan pesisir lahan Gesik Bantul. Taneman kangkung menika dipun tanem wonten ing lahan pesisir ingkang temtunipun kedah dipun kemonah kanthi mirungan, wonten ing manga ketiga menika, taneman janganan kangkung gadahanipun bagong ketingal subur lan ronipun ugi wetah jalaran sumur pompa ingkang dados piyandelipun kadnag tani lahan gesik mboten nate asat sinaosa mlebet ing mangsa ketiga. Kanangka sasampunipun mlebet ing mangsa ketiga, kathah ama sarta reridhu ngrebasa taneman janganan, kaebet kangkungf. Menawi mboten enggal dipun awekani ama wau ugi gampil nular dateng taneman sanesipun. Piyambakipun nyirami taneman kangkung menika saben dintenipun minangka kupiya kangge ngawekani hawa saking pesisir. Mboten namung menika, kangge ngawekani sesakit jamur wau piyambakipun ugi sampun ngusadani migunaaken obat semprot. Piyambakipun ndugi bilih kathah risakipun taneman kangkung ing laladan sanes menika amargi kadayan wontenipun perkawis kekirangan toya ingkang wusananipun ndamel taneman risak. Saged kawuningan, kangkung menika saged dipun panen sasampunipun umur kalih dasa dinten. Ing wedal tigang dinten, kangkung menika sampun tuwuh inggil malih. Pepalang sanesipun inggih wontenipun ama ingkang ngrebasa kadosta uler ijem, walang, menapa dene uret ingkang dipun betha saking rabuk kandang. Rahayunipun setunggal iket taneman kangkung ing wekdal sakmenika pengaosipun kapetang sae 4 ewu rupiah.
