TVRI YOGYAKARTA NEWS – HENDRY SAPUTRA-HARIF YUDA
Kalodangan budidaya ulam kutuk utawi gabus dumugi wekdal sakmenika taksih tinarbuka, ananging emanipun dereng kathah kadang tani ulam ingkang nindaaken budidaya ulam menika.
Panyuwuanan peken ulam gabus gilir gumantosing wekdal saya inggil, sewalikipun ulam gabus ing alam ugi sampun sisah dipun cekel, jalaran sampun saya langka. Para pambudidaya ugi dereng kathah langkung-langkung ingkang nindaaaken usaha kanthi intensif. Nguningani kawontenan ingkang mekaten menika andri saweneh kadang tani ulam inglaladan dusun sapen umbulmartani ngamplak sleman nindaaken budidaya ulam gabus wiwit tigang tahun kapengker. Anggenipun nindaaken budidaya ulam menika dipun wiwiti saking ndamel winih ulam piyambak. Kandhetan gizi ingkang inggil ing saklebeting ulam menika ndamel panyuwunan ulam kutuk konsumsi tikel. Ananging kemawon awit saking taksih sekedhikipun kadang tani ulam ingkang nindaaken usaha budidaya ulam menika, andri ugi sampun nindaaken budidaya winih ingkang semangkenipun badhe dipun budidaya dneing kadang tani ulam ing sakiwa tengenipun. Budidaya ulam gabus kalebet gampil,ingkang baken inggih kedah njagi kawontenan toyanipun resik. Menawi mboten resik, zat amoniak ingkang wonten ing sisa pakan menika badhe ndamel ulam gabus katerak sesakit jamur. Menawi mboten enggal-enggal dipun usadani ulam kutuk ingkang katerak jamur menika saged pejah. Supados mboten nular dateng ulam sanesipun, menawi wonten ulam ingkang katerak sesakit menika kedah dipun pisahaken lan dipun karantina kalih dinten mboten dipun sukani pakan. Sakdangunipun kalih dinten wau ulam menika dipun usadani.ing pekenan ulam kutuk konsumsi dipun kerta aji 55 ewu rupiah setunggal kilonipun.
