TVRI YOGYAKARTA NEWS – MUCHAMMAD RIDWAN
Manekawerni jinis beksa gagarak enggal ing pungkasaning wekdal menika saya ngrembaka jumbuh kaliyan katahipun krida budaya ingkang kagelar. Saking sak kathahing jinis beksa gagarak enggal kala wau, beksa riya manggala dados salah setunggal lelipuran tumprapipun warga ingkang sami amirsani.
Kados mekaten menika nalika beksa riya manggala ingkang dipun paragaaken dening cacah sekawan wiranem, ingkang kagelar ing sanggar hadisumunar saking Kadisono Kapanewon Tempel, Kabupaten Sleman, Daerah Istimewa Yogyakarta. Kalebet salah setunggaling jinis beksan kreasi, beksa riya manggala nggambaraken gagahing prejurit ingkang nembe nindakaken gladen perang. Dipun cariosaken nalika derengh majeng ing saktengahing peperangan, para prejurit riya menika anggenipun gladhen kanthi estu nggginaken setunggaling pedang. Jalaran tokoh beksa menika mujudaken setunggaling preejurit, mboten maiben bilih sedaya ebahing badang nedahaken setunggaling sosok prejurit ingkang gagah. Sedaya peranganing badan sae menika mustaka, menapadene asta engga ebahing suku. Sawetawis busaana ingkang dipun agem mboten kathah, namung tambahan rerenggan gelang ing suku lan lengen, aengag saya nambah gagah, lincah dan energik setunggaling prejurit. Wontenipun pedang ingkangs ampun dipun daleken saking sarungipun, saya nambah gagahing sang prejurit. Buana sanes ingkang dipun agem inggih menikka jamboraken jarit lan busana wrni abrit kanthi panutup mustaka.
Saya dangu ebahing suku, ketingal langkung cepet kairing suwantening gamelan ingkang kompak. Ing pungkasaning beksan para juru beksa nyarunaken malih pedangipun ing sangkur mertandani purnaning gladehn beksan ngginaken pedang.
