TVRI YOGYAKARTA NEWS – WIDI
Kangge ngirangi organisme pengganggu taneman, nethok rante siklus ama lan sesakit ngiras pantes mbangsulaken kasuburaning lahan tetanen, kadang tani kasuwuan tansah ngetrepaken pola tanem, pantun-pantun polowijo.
Kadang tani kedahipun tansah anetepi lan ngetreopaaken pola tanem kados ingkang sampun dipun dawuhaken, inggih menika setahun kabage tiga jangka wekdal utawi periode, inggih menika padi-padi palawijo. Mangsa tanem pantun sepisanan Wulan Oktober dumugi Januari, kaping kalihipun Februari Mei lan ingkang kaping tiganipun Juni dumugi September. Kanthi ngetrepaen pola tanam ingkang kados mekaten menika kaangkah saged ngirangi ngrebasaning organisme pengganggub taneman utawi opt, ngethok rante siklus gesanging ama lan sesakit sarta nambah kasuburaning siti. Kawuningana bilih lahan pantun ing Bantul sakmenika ngancik sangalikur hektar ingkang kasebar ing sedaya laladan. Saben helktaripun saged ngasilaken 7,6 ton gabah kering panen lan menawi dados gabah garing ngancik enem kom tiga ton. Kanthi ngetrepaken pola tanem pantun-pantun palawijo menika produksi wos ing Bantul saben tahunipun saged surplus lan ing sak nginggiling produk wos nasional. Kangge produkipun kadang tani ing bantul nanem pantun unggul varietas inpari 42, inpari 45 ingkang umuripun satus gansgal dinten. Kepala Dinas Ketahanan Pangan dan Pertanian Bantul Joko Waluyo pesen dhumateng kadang tani supados tansah miturut menapa ingkang sampun kadhawuhaken ing saklebeting nindaaken pola tanem, lan migatosaken sistem irigasi mliginipun menawi badhe mlebet ing mangsa tanem kaping tiga.
