TVRI YOGYAKARTA NEWS – MUCHAMMAD RIDWAN
Kejawi dipun tanem ing lahan pekarangan, taneman rosela kanyata ugi saget tuwuh subur nalika dipun tanem ing polybag. Kanthi cara menika ugi gampilaken anggenipun pindah tanem lan manen sekar rosela.
Salah saweneh warga ingkang nindakaken budidaya rosela ing polybag inggih mneika seto legowo, saking Dusung Candimulyo Kalurahan Tamanmartani Kapanewon Kalasan Sleman. Piyambakipun nelakaken bilih nanem sekar rosela ing polybag mekaten gampilaken piyambakipun ing saklebeting amnen sekaripun. Kajawi menika piyambakipun ugi gampil anggenipun mindah taneman rosela menika sawanci – wanci. Sinaosa ketingal alit, ananging sekarrosela ingkang dipun tanem ing polybag kanyata saget tuwuh subur. Bab menika dipun pertandani saking sekaripun ingkang tuwuh ing sak pucuking taneman rosela kanthi werni abrit. Ing donyaning pangusadan, sekar rosela menika kanyata gadahi sawetawis mupangat, antawisipun saget ngusadani benter, ngedakaken tensi, engga minangka bahan kangge anti bakterial lan antiseptik. Anggenipun nanem sekar rosela menika ugi gampil sanget, meh sami kaliyan nanem taneman sekar sanesipun. Sawetawis pangrimatanipun cekap dipun sirami kanthi ajeg nalika enjang utawi sonten, tansah kacekapan rabuk organikipun lan ingkang baken media tanem arupi siti ingkang dipun ginakaken kedah siti ingkang gembur lan produktif.
