TVRI YOGYAKARTA NEWS – JATMIKO HADI
Sawetawis regi bahan kabetahan pokok ing laladan Kabupaten Kulonproogo mandhap. Salah setunggalipun inggih menika regi daging ayam potong ingkang pengaosipun 32 ewu rupiyah saben kilonipun.
Salah saweneh bakul daging ayam potong ing peken tradisional wates marni ngandaraken, bilih ing purwakaning wulan oktobet menika, pengaosing daging ayam mandhap setunggal ewu rupiyah saben kilonipun, inggih menika saking regi regi 33 ewu dados 32 ewu rupiyah. Miterat marni mandhapipun regi daging ayam potong ing pekenan awit kapangaribawa mandhapipun panyuwunan tumrap daging ayam potong saking masyarakat. Bab menika amargi ing pungkasaning wulan september engga purwakaning wulan oktober menika sampun mboten katah warga ingkang gelar hajatan. Benten kalih sawetawis wulan kapengker nalika tasih katah warga ingkang gelar hajatan sae menika mantu menapa dene hajatan sanesipun, saben dintenipun marni saget nyade engga setunggal kwintal daging ayam potong. Ananing sakmenika namung saget nyade 70 dumugi 80 kilo kemawon.
Marni ndugi mandhapipun panyuwunan tumrap daging ayam menika tasih badhe dumados engga sawetawis minggu mengajeng, lan bahde mindhak malih nalika sampun mlebet ing pungkasaning tahun utawi ngepasi mangsa preen sekolah sartapreen natal lan warsa enggal.
