TVRI YOGYAKARTA NEWS – HENDRY SAPUTRA-ENDAH
Sanadyan raosipun kecut ananging kanyata taksih kathah warga masyarakat ingkang remen dateng jambu air lokal. Kejawi dipun mupangataken woh-ipun taneman jambu ugi katah dipun budidaya ing pekawisan minangka kangge eyup-eyup.
Taneman jambu air mujudaken jinis taneman tropis, ingkang gampil tuwuh kanthi cara vegetatif menapadene stek, jumbuh kaliyan naminipun, jambu air menika ngandhet vitamin C lan A, serat, kalsium, saha zat besi. Kalodangan peken jambu klebet laris. Masyarakat remen dhahar jambu minangka buah segar menapadene olahanipun kadosta rujak, lan manisan, nalika mangsanipun mawoh, asiling panen saged dados sumber ekonomi. Jinis jambu tinemtu, pengaosipun saged ngantos dasanan ewu rupiah saben kilo. Saking sakathahing jambu ingkang wonten, jinis jambu lokal kanyata ugi taksih kathahi ngkang remen. Sanadyan mboten patia manis ananaging raos seger kecutipun jambu lokal menika taksih kathah ingkang remen. Jambu air tuwuh ngrembaka ing laladan inggilipun watawis gangsal atusan meter saking seganten. Taneman menika mbetahaken sunaring srengenge kanthi insentitas kawan dasa ngantos wolung dasanan persen saben dintenipun, taneman menika mbabar kanthi cara generatif lan vegetatif, cara generatif inggih menika kanthi nanem wijinipun. Menika mbetahaken wekdal sawetawis dangu ngantos dumugi awohipun, wondene cara ingkang gampil lan cepet babar, inggih menika cangkok, okulasi utawi stek, saking wit ingkang sae.
