TVRI YOGYAKARTA NEWS – ADI NGUROHO-WENDY
Ing kiwa-tengening tambak urang vaname ingkang kathah sumebar ing pinggiring pesisir trisik, kanyata wonten ugi ingkang ngisi blumbang urangipun mawi ulam nila kanti ngginakaen toya payau, asilipun kanyata ugi murakabi.
Sampun sawetawis wedal, heri kadang tani pambudidaya ulam konsumsi jinis nila abrit ingkang wonten ing laladan pesisir trisik menika ngingah nila. Dipun-pilihipun jinis nila abrit menika mboten ateges tanpa pawadan. Saderengipun manekawerni jinis ulam ugi sampun dipun-cobi dening heri nanging kanyata ulam nila abrit ingkang kiyat sinaosa ngginaaken toya payau utawi campuran toya tawar lan toya seganten kados dene ingkang limrah dipun ginaaken kangge mbudidaya urang vaname. Sinaosa ngrimatipun gampil nanging kanyata ulam nila abrit menika nalika dipun-ingah ing toya payau langkung kityat ngajengi seakit. Mboten namung menika, werninipun ugi langkung ketingal langlung abrit. Sesakit kadosta jamur, infeksi insang utawi aeromonas sarta sesakit kleyang miturut heri awis awis sanet dumados ing blumbangipun jalaran ngginaken toya payau. Kangge ngawekani babagan menika saderengipun winih ulam nila abrit dipun sebar, heri nyukani dasar blumbang mawi gamping ingkang saderengipun sampun dipun besem rumiyin. Perkawis ingkang kedah dipun wigatosaken ing saklebeting budidaya ulam ing mangsa jawa ing antawisipun wekdal nyebar winih sampun ngantos dipun tindaaken nalika jawah jalaran toya jawah ingkang tataran asamipun inggil saged mangaribawani tuwuhipun ulam ing samangkenipun kirang sae. Saged kawuningan, pekenan panyuwunan ulam saking laldan pesisir saben dinten ngancik wolung kwintal langkung kanti regi selangkung ewu saben kilonipun, menika kemawon saestunipun ugi tasih kirang jalaran pekenan ulam nila ing DIY saben dinten mbetahaken sekedhikipun kalih ton langkung.
