TVRI YOGYAKARTA NEWS – WIDI-HARIF YUDA
Para pamirsa, kathah cara ingkang saged katindaaken kangge nyekapi kabetahan raja kayanipun, supados saged ngirit beya kangge tumbas pakan, salah setunggalipun inggih menika pados damen.
Damen sisa panen pantun padatanipun dening panguwaos lahan namung dijaraken mekaten kemawon, kepara dipun besem kangge ngrabuk lahan. Ananging dening salbiyah warga saking Plowidi, Trimulyo Sleman, damen-damen ingkang namung dipun jaraken dening panguwasos sabin kanyata dipun dadosaken setunggaling kalodahangan kangge nyekapi kabatahan pakan lembunipun. Damen ingkang mboten dipun mupangateken dening kadang tani menika saksampunipun dipun treser lajeng dipun kempalaken. Sasampunipun nglempak kathah nembe dipun usung dipun beta wangsul kangeg pakan lembu perahipun. Supados samangkenipun damen menika nutrisinipun langkung sae, dening salbiyah dipun kemonah langkung rumiyin kanthi cara dipun permentasi. Pados damen kados mekaten menika, piyamabkipun saged ngirit kangge tumbas pakan lan cecawis nalika ing mangsa ketiga. Salbiyah piyambak, saged dipu pesthekaken tansah pados damen, bentering surya mboten dipun raosaken, inglkamng baken saking medamel pados damen emnika saged kangge makani rajakayanmiupun ingkang samangkenipun saged dipun sade kangge nyekapi kabetahan kulawarganipuin. Salbiyah ugi nyariosoaken bilih saking aling ngingah lembu menika kanayat ugi saged kangge nyekolahaken putra putrinipun engga lulus, saking pawiyatan luhur menaapdene tataran sma. Kringet ingkang dipun dalekane mboten ngirangi gregetipun nalika makarya. Bentering sunar surya sarta, awrating damen dening salbiyah dipun dadosaken srana kangge nyekapi kabetahan kulawarga.
