TVRI YOGYAKARTA NEWS – WIDI-HARIF YUDA
Kajeng tilasing kerajinan menapadene oyot taneman, dening saweneh warga saking Tambalan, Piyungan Kabupaten Bantul, lumantar daya cipta rasa lan karsanipun saged dipun kemaonah dados manekawerni jinis kerajinan ingkang gadhah bobot ekonomi inggil.
Saking asiling daya cipta rasa lan karsanipun misran saking Padukuhan Tambalan, Piyungan Kabupaten Bantul, sisa-sisa kajeng menapdene oyot kajeng, dados setunggaling karyan seni ingkang gadhah bobot inggil. Barang-barang kerajinan ingkang dipun asilaken menika kjawi dipun remeni dening warga masyarakat ing laladan diya, kepara ugi sampun dipu eksport ing mancanegari. Misran piyambak ndamel kerajinan menika wiwit tahin kalih ewu gansgal welas kapengker. Saderengipun misran nate dados pedamelipun saweneh pengrajin inggih menika nyoman saking Muntilan, Magelang sadangunipun setunggal tahun, sasampunipun nysep ngilmi, misran lulusan saking SMKI Ngayogyakarta, gadhah krenteg badhe usaha mandiri, saklajengipun misran bikak usaha piyambak kanthi ndamel, reca asmat ingkang duk rikala semanten ugi laris. Ananging gilir gumantosing wekdal, sarta ningali kawontenan peken lan lingkungan sakiwatengenipun ingkang kathah sisa-kajeng kerajinan menapadene oyot-taneman, saklajengipun wiwit Tahun 2015 piyambakpin mupangataken barang-barang wau dados manekawerni karya seni. Manekawerni asiling kerajinan sampun dipun ripta wiwit saking ringgit, ulam, ukiran bathik, papan nami lan sakpiturutipun.
Emanipun usaha kerajinan ipun misran ingkag sampun dumugi mancanegari menika kapalang kiranging pawitan. Awit saking menika piyambakipun gadhah pangajeng-ajeng wontenipun bebanton saking pamarintah. Misran ugi gadhah kekajengan saged ndamel setunggaling galeri ing griyanipun, kangge mamer-aken asiling produksi. Nguningani bilih mergi ing ngakjengipun menika dados mergi utami jujugan wisata, kaangkah wisatawan ugi saged mampir ing galerinipun.
