TVRI YOGYAKARTA NEWS – JATMIKO HADI
Sak sampunipun risak sawetawis tahun pungkasan, Peken Tradisional Jombokan Pengasih Kulonprogo dipun dandosi dining dinas perdaganbgan dan perindustrian kabupaten kulonprogo.
Para bakul inhg Peken Tradisional Jombokan Pengasih Kulonprogo sami mongkok manahipun, amargi peken tradisional jombokan ingkang dados papan pangupajiwanipun para bakul, dipun dandosi dining Pamerintah Kabupaten Kulonprogo lumantar Dinas Perdagangan danh Perindustrian Kulonprogo. Kawunigana bilih sampun saetawis tahun pungkasan menika, Peken Tradisional Jombokan risak antawisipun saluran drainasnipun, talang, engga papan paturasan. Kajawi menika dinas perdagangan dan perindustrian kulonprogo ugi ndandosi parkiran ingkang ugi nemahi karisakan ing jobinipun, lan dipun gantos mawi konblok. Krida ndandosi peken jombokan menika, pangajabipun saget ndamel kridaning dol tinumbas ing peken tradisional jombokan langkung sekeca, ingkang tundanipun saget ningkataken ekonomining para bakul.
Sinaosa nembe dipun dandosi, ananging para bakul ing Peken Tradisional Jombokan menika mboten dipun pindahaken sawetawis utawi dipun relokasi, awit saking winatesing papan kangge relokasi. Supadosmboten ganggu kridanipun para bakul, sawetawis para pedamel anggenipun makarya dipun tindakaken ing wanci ndalu.
