TVRI YOGYAKARTA NEWS – MARGOLARAS
Nggarap sabin tandah jawah kaetang mboten gampil, utaminipin rikala mlebet mangsa ketiga. Kejawi pasudiyan toya ingkang sekedhik, kadang tani kedah nambah pawitan kangge ndamel sumur bor. Taneman ingkang dipun buddiaya ugi kedah trep ampun ngantos gagal panen kekirangan toya.
Mangsa ketiga dados pepalangipun para kadang tani sabin tandah jawah ing Mbulak Pengkol Soka Seloharjo Pundong Bantul, ngengeti pasudiyan toya ingkang winates. Sanadyan sampun wonten sumur ingkang dipun damel ing pesabinan, ananging toyanipun namung sekedik kepara samsaya susut. Mupangataken sisa toya ingkang tasih wonten ing sumur menika, sakperang kadang tani tetep krenteg anggenipun usaha tetanen nggarap sabinipun. Sujiran salah setunggal kadang tani mratelakaken bilih piyambakipun nembe nyiapaken winih lombok riwit, ingkang bade dipun tanem ing mongso jawah samangke. Menawi namung kangge nyirami winih, toya sumur tasih saget nyekapi, ingkang baken taneman ampun ngantos alum. Miturut kadang tani, sampun antawis sekawan wulan kawontenan ing laladanipun kewetan pikantuk toya. Kadang tani kedah ngginakaken kompa toya menawi bade usaha tetanen. Mekaten kemawon kedah ngetang kahanan toya ing sumur. Ngengingi kawontenan menika taneman ingkang dipun tanem kedah saget mbatheni, amargi wonten tambahan beya kangge mundhut bensin kangge kompa. Taneman lombok riwit dados setunggal pilihan kadang tani, ingkang kaanggep trep.
Mangsa ketiga dados pepalangipun kadang tani sabin tadah jawah menika. Mboten sedaya kadang tani saget nglampahi, kepara kathah sabin ingkang dipun kendelaken dados bera. Namun kangge sakperang kadang tani, mangsa ketiga dados tantangan piyambak pripun supados saget tetep garap sabin lan ngasilaken panen. Kados ingkang dipun lampaihi kadang tani ing laladan menika, sampun saget nraosken hasil panen lombok riwitipun.
