TVRI YOGYAKARTA NEWS – ADI NUGROHO-WENDY
Taneman pare hibrida kanyata asilipun ugi sae menawi dipun tanem ing lahan Gesik Bantul, mila ugi mboten maiben menawi pare lajeng dados komoditas unggulan kadang tani ning pesisir samas.
Pare mekaten mujudaken salah setunggalipun jinis janganan ingkang kanyata panyuwunan ing pekenan ajeg kepara malah tansaya kathah. Salah saweneh kadang tani pare saking laladan pesisisr Bantul mratelaaken bilih menawi ing wekdal panen mekaten sampun kathah para bakul ingkang ndatengi kebonipun kangge kilakan pare. Malah panyuwunan ing pekenan ugi bedha-bedha ukuranipun, wonten ingkang ukuran sedeng lan wonten ugi ingkang ukuran ageng. Menawi ukuranipun ageng menika ing setunggal kilonipun saged ngancik kalih engga tigang iji. Taneman pare kapetang gampil lan kiyat ngajengi ewah-ewahaning mangsa. Ingkang kedah dipun wigatosaken inggih babagan ngrabuk ingkang katindaaken seminggu kaping pisan utawi sakbibaripun panen. Kawuningana bilih pare menika saged dipun panen makaping-kaping gumantung kaliyan pangrimatanipun. Ing lahan ingkang wiyaripun wonten 900 meter pesagi menika, kados adat sabenipun piyambakipun saged ngasilaken panen pare makaping kaping. Bab sanesipun ingkang kedah dipun gatosaken inggih babagan pangrimatan who-ipun, gayut kaliyan sipatipun ingkang mrambat, sulur ingkang wonten ing taneman menika saged mlungker ing woh pare ingkang wusananipun saged munthes pare ing umur alit sarta saged damel tuwuhipun woh mboten sae. Gayut kaliyan kathahipun panyuwunan are ing pekenan, regi pare ugi awis-awis sanget anjlog. Peken tasih tinarbuka jalaran tasih kathah wande wande dahar ingkang mbetahaken pare seger. Mila mboten maiben menawi taneman pare dening kadang tani dipun dadosalen taneman pilihan jalaran asilipun ingkang maremaken. Pangrimatan ingkang prasaja sarta regi ing peken ingkang sae.
