TVRI YOGYAKARTA NEWS – WIDI-HARIF YUDA
Dhumateng para sutresna wisata alam lan potografi, mbok bilih jujugan Wisata Watu Amben dados salah setunggaling jujugan wisata ingkang wajib dipun datengi nalika nembe piknik ing Ngayogyakarta. Papan menika nawisaken sesawangan alam ingkang endah tur edi peni.
watu amben ingkang tegesipun papan kangge tilem, ingkang mapan ing, Srimulyo Bantul utwi pasipun ing sak nginggiling bukit bintang, menika mujudaken setunggaling papan wisata ingkang dumados saking sela ingkang nyloeneh kadosdene cakrik papan kangge tilem utawi amben. Papan menika kaloka jalaran kaendahaning sesawangan alam ingkang dipun tawisaken nalika anglkuping srengenge, sarta ing wanci dalu kanthi kelap keliping lampu ingkanmg wonten ing laladan ngandhapipun kalebet kitha Ngayogyakarta. Jujugan wsiata menika saking Ngayogyakarta tumuju mergi wonosari lan ing prasekawan pathuk mendhet jalur arah wana pinus becici, ingkang tebihipun saking pathuk udakawis gangsal kilometer. Saya kalokaning papan menika, ndamel ubenging ekonomi masyarakat ing sakiwatengenipun ugi saya ngrembaka. Ing papan menika ugi sampun dipun jangkepi mankeaweri sarana panyengkuyung jujugan wisata wiwit saking womntenipun papan parkir, puluhan wande daharan engga papan paturasan. Saya ngrembakaning jujugan wsiata watu amben dados bukti bilih ngayogyakarta mboten namung sugih wsiata budaya, lan kuliner ananging ugi jujuygan wisata alam, ingkang ngedab edabi. Jujgan wisata menika dados pilihan ingkang pas dhumateng para pelancong ingkang badhe ngresepi kendahaning alam Ngayogyakarta sinambi ngenggar-enggar penggalih.
