TVRI YOGYAKARTA NEWS – HENDRY-ABDUL ROCHIM
Taneman janganan ingkang dipun budidaya mawi cara organik taksih mujudaken piyandelipun kadang tani. Menapa malih menawi dipun budidaya sesarengan kaliyan komoditi saneispun temtu badhe nikelaken bebathen.
Ing wekdal sakmenika kathah kadang tani ingkang sampun miwiti nindaaken budidaya taneman janganan. Skaing sakathahing jinis taneman janganan ingkang wonten, taneman sawi mujudaken salah setunggaling jinis ingkang dipun pilih. Pawadanipun inggih panyuwunan ingkang inggil lan pengaosipun kapetang ajeg. Menapa malih menawi taneman janganan menika dipun budidaya kanthi cara organik. Kados ingkang dipun tindaaken deing saweneh kadangtani ing Karanganyar Sanden Bantul meika ingkang mbudidaya taneman sawi ing lahanipun. Asilipun kanyata maremakan taneman sawi ingkang dipun tanem meiak sampun ngancik umur kalih minggu lan seekdhap malih saged dipun panen. Budidaya taneman organik kanyata langkung saras asilipun ananaging kosok wnagsulipun taneman ingkang dipun budidaya inggih ringkih sanget kaliyan ama lan sesakait. Mila piyambakkipun ugi nanme lombok ori wonten ing lahan ingkang sami kanthi cara tumpangsari. Pawadanipun kejawi saged nikelaken asil panen, ugi ngawekani menawi salahs etunggalipun kirang sae. Taneman lombok ori ingkangh dipun tanem meika kanyata wonten ingkang katerak virus bule ingkang ndayani perangan ronipun dados jene. Anggenipun ngrabuk ngginaaken rabuk organik saking bucalan rajakaya. Kejawi langkung saras, pangginaning rabuk organik menika ugi mboten ngrisak lahan budidaya. Sawi menika taksih nggadahi kalodangan peken ingkang sae, kejawi mangsa tanemipun ingkang 25 dinten, panyuwunan peken kapetang inggil.
