TVRI YOGYAKARTA NEWS – ADI NUGROHO-WENDY
Oyong mujudaken setunggaling taneman janganan ingkang gampil dipun budidayaaken, mboten namung ing lahan kritis kados lahan gesik.
Tanenam oyong menika mujudaken jinis taneman ingkang produktif sanget, lan saged tuwuh kanthi sae ing saben mangsa. Menawi kapandhingaken kaliyan taneman lombok menapadene melon ingkang gadhah resiku inggil menawi katerak ama, taneman oyong kapetang kiyat saking ngrebasaning ama lan sesakit. Menawia wonten, sesakit ingkang asring ngrebasa inggih menika jamur ingkang ngrebasa perangan ron, uler woh menapadene kepik. Ama menika wau saged dipun kendhaleni kanthi dipun semprot pestisida. Agung, saweneh kadnag tani oyong organik saking laladan bugel kulon progo njlentrehaken salah setunggaling bab ingkang kedah dipun gatosaken inggih babagan rabuk kedah mboten ngantos telas, semanten ugi taneman oyong menika remen siti ingkang kathah toyanipun nanging mboten megung. Kapandingaken kaliyan komoditas sanesipun, beya produksi kangge nanem oyong ingkang jangkep kaliyan beya pangrimatanipun ugi kapetang langkung mirah. Asilipun kejawi maremaken, woh oyong mekateen saged radi awet dipun simpen. Mboten kados lombok lan tomat ingkang gampil bosok. Salah setunggaling pepalang inggih namung kabetahan peken ingkang namung kangge peken lokal kemawon. Benten menawi lombok ingkang saged dipun kintun dateng laladan sanes.
