TVRI YOGYAKARTA NEWS – ABDUL ROCHIM
Dumugi wekdal sakmenika kanyata dereng kathah kadang tani ingkang purun mbudidaya koro kapri, kamangka panyuwunan peken koro kapri dumugi wekdal sakmenika ugi mboten sudha.
Kados mekaten menika koro kapri ingkang dipun kemonah saweneh kadang tani ing Pundong Bantul menika. Bentuk who-ipun langkung ageng kapandingaken kaliyan kapri padatanipun. Taneman koro kapri ingkang dipun budidaya menika idpun tanem wonten ing galenagan ing saktengahing lahan olah tetanen. Cara menika ugi kangge nikelaken asil lan mupangataken lahan kanthi sak sae-saenipun. Taneman koro kapri wedal sakmenika sampun umur tigang wulanan langkung lan sampun panen makaping kaping. Saged kawuningan, koro kapri saged dipun panen kangge sepisananipun nalika sampun umur sangang dasanan dinten langkung lan badhe mawoh dumugi umur setahun, kanti regi setunggal kilonipun gangsal ewu rupiah, koro kapri tasih dados komoditas olah tetanen ingkang saged dipun dadoskaen unggulanipun kadang tani jalaran saged dipun panen sepanjang tahun. Saged kawuningan, ing manca negari koro dipun dadosaken bahan komsetik lan obat, sawetawis ing peken lokal koro menika dipun dadosaken minangka bahan pangan sumber protein, saged kangge campuran bahan tempe sarta abon. Budidaya koro kapri menika dipun tindhaken kanti cara organik. Rahayunipun, jalaran ronipun pait, mboten kathah ama ingkang ngrebasa koro.
