TVRI YOGYAKARTA NEWS – ADI NUGROHO-WENDY
Para pamirsa, klengkeng mujudaken setunggaling jinis who-wohan igkang gadhah bobot ekonomi iggil, mboten gampil katrajang sesakit saengga cocok dipun budidayaaken kangge nikelaken karaharjan.
Negari indonesia mujudaken setunggaling negari ingkang gemah ripah, loh jinawi, sedaya ingakng dipun tanem saged tuwuh kanthi subur. Ewa semanten sedaya potensi negari Indonesia menika dereng dipun mupangataken kanthi maksimal. Asiling produk olah tetanen kathah ingkang tasih dipun dateng-aken saking manca negari utawi import, kalebet manekawerni woh-wohan. Salah satunggaling jinis who-wohan ingkang saged dipun mekaraken ingih menika taneman klengkeng. Saweneh pambudidaya klengkeng ing Laladan Pantok Wetan Kalibawang Kulonprogo mratelaken bilih menawi badhe nindaken usaha budidaya klengkeng bab ingkang wigati inggih menika milih winih ingkang gadhah bobot inggil, jelas asal usulipun saengga samangkenipun asilipun ugi maksimal. Kajawi saged dipun tanem ing lahan konvensional taneman klengkeng menika ugi saged dipun tanem ing setunggaling pot. Piyambakipun atur panyaruwe menawi badhe usaha budidaya klengkeng dipun pilih ingkang daging ipun kandel lan wijinipun langkung alit, sawetawis kandutan toyanipun ugi ingkang namung sekedhik. Ingkang saged ndamel bebathenipun kadang pambudidaya taneman klengkeng, jinis tinamtu saged dipun awohaken sak wanci-wanci, laras kaliyan kekajenganipun pambudidaya, sarta bobot ekonominipun inggil. Supados saged mawoh pancen mbetaheklen pangrimatan ingkang mirunggan inggih menika ngginaken setunggalng jinis hormon klengkeng ingkang saged dipun kocoraken ing lahan. Kajawi mboten mbetahekan lahan ingkang wiyar ,nanem klengkeng menika ing tmebe ngajengipun sagedto saged nyekapi kabetahan who-wohan ingkang wusananipun ugi badhe saya ngangkat darjat karaharjaning kadang tani, wusananipun ugi saged kawujud swasemabada who-wohan.
