TVRI YOGYAKARTA NEWS – SETYA BUDI
Sawetawis kadang tanhi ing laladan Kabupaten Gunungkidul, ing mangsa tanem wekdal sakmenika katah ingkang nindakaken budidaya taneman lombok kanthi sistem tumpangsari kaliyan taneman janganan ingkang umur panenipun cekak. Kajawi pikantuk asil inghkang langkung katah, kanthi cara menika pangginaning rabuk ugi langkung sekedhik.
Mangsa panen lombok ingkang langkung panjang kabandingaken jinis janganan sanesipun, dipun mipangataken dining kadang tani kangge nanem lahanipun kanthi cara tumpangsari. Kados ingkang dipun tindakaken dining sawetawis kadang tani ing laladan Kalurahan Duwet Kapanewon Wonosari Gunungkidul menika. Paengan salah saweneh kadang tani ngandaraken, bilih piyambakipun nanem lombok ori ingkang dipun tumpangsari kaliyan taneman janganan bayem lan kangkung ingkang mangsa panenipun cekak. Kanthi pangrimatan ingkang sae, cara tanem tumpangsari kados mekaten menika kanyata saget tuwuh subur lan asilipun ugi maremaken. Supados asilipun langkung maksimal, paengat anggenipun nanem lombok jarak tanemipun dipun damel langkung arang kabandingaken padatan. Saengga sisa lahan ingkang wonten saget dipun mupangataken kangge nanem komoditas janganan sanesipuin. Kanthi cara menika ing setunggaling lahan piyambakipun saget nanem engga tiga komoditas taneman, kanthi jangpa panen ingkang benten–benten. Taneman janganan kangkung umpaminipun saget dipun panen ing umur 30 dinten. Kajawi saget pikantuik asil ingkang langkung katah ing setunggaling lahan, kanthi cara tumpangsari menika rabuk ingkang dipun ginakaken ugi langkung ngirit.
Kawuningana bilih ing setunggal mangsa tanem lombok, paengat saget manen engga kaping kalih taneman janganan kangkung lan bayem.
