TVRI YOGYAKARTA NEWS – JATMIKO HADI
Kangge nepangaken sujarah Kulonprogo dumateng para wiranem lan generasi muda, Kundha Kabudayan Kulonprogo gelar pameran museum tahun 2024, ingkang mapan ing Taman Budaya Kulonprogo.
Dasanan lare lan wiranem wiwit saking tataran Sekolah Dasar enga pawiyatan luhur, sami mirsani pameran museum ingkang dipun gelar dining Kundha Kabudayan Kulonprogo ing plataraning Taman Budaya Kulonprogo. Pameran ingkang dipun gelar ajeg saben tahun menika nyegahaken manekawerni sujarah kabupaten kulonprogo wiwit rumiyin dumugi sepriki. Pameran menika pikantuk kawigatosan ingkang ageng saking masyarakat mliginipun para wiranem, kacihna saking katahipun para wiranem ingkang ngendangi pameran museum menika. Salah setunggaling sujarah ingkang narik kawigatosaning para lare inggih menika, babagan dumadosing Kabupaten Kulonprogo ingkang madeg ing tanggal 15 Oktober tahun 1951. Ananging sakderengipun, laladan kulonprogo piyambak dipun bage dados kalih kabupaten inggih menika Kabupaten Kulonprogo ingkang mujudaken laladan Kasultanan Ngayogyakarta Hadiningrat, lan kabupaten adikarta ingkang mujudaken laladan saking Kadipaten Pakualaman. Pameran musem menika ugi kangge ngregengaken ambal warsanipun kabupaten kulonprogo ingkang kaping 73 tahun, kanthi irah – irahan kawula muda dan sejarah.
Ing pameran museum menika ugi dipun segahaken manekawerni pentas seni, wiwit saking band, engga film animasi. Kanthi krida menika dipun ajab generasi muda utawi wiranem saget mangertosi sujarah laladan Kabupaten Kulonprogo.
