TVRI YOGYAKARTA NEWS – SETYA BUDI
18 klempakan karawitan ingkang wiyaganipun mujudaken para wiranem ing Gunungkidul, nyartani festival karawitan ingkang dipun gelar dining kunda kabudayan Gunungkidul. Festival menika mingangka kupiya nglestantunaken seni karawitan ing masyarakat, lan kangge ndudut krentegipun wiranem supados purun ambyur ing seni karawitan.
Festival karawitan tumrap para lare lan wiranem ing kabupaten gunungkidul menika, dipun gelar ing Bangsal Sewokoprojo Wonosari. Kanthi greget ingkang inggil para pasarta sami nyegahaken karawitan ingkang sak sae–saenipun, kanthi wekdal ingkang sampun dipun temtokaken dumateng nitinya. Kabid adat tradisi lemaba dan seni kunda kabudayan Gunungkidul Dwi Prihdiani ngandaraken, bilih karawitan minangka seni tradisional jawi ing pungkasaning wekdal menika saya dipun remeni dining warga masyarakat. Ingkang ndamel mongkok mboten namung tiyang dewasa ingkang remen kaliyan seni karawitan, ananging ugi para lare lan wiranem katah ingkang sampun ambyur ing donyaning seni karawitan. Pramila kanthi festival menika pangajabipun para pasarta mboten namung pikantuk juwara, ananging tronjongiun saget langkung nepangaken seni karawitan dumateng para lare, ingkang wusananipun seni karawitan saget langkung lestantun ing sak tengahing jaman ingkan tansaya modern menika.
Festival karawitan wiranem menika dipun rantam badhe dipun adani ajeg saben tahun, lan kategori ingkang dipun biji ugi langkung katah, wiwit saking klempakan, wiyaga, engga waranggananipun.
