TVRI YOGYAKARTA NEWS – WIDI-WENDY
Para pamirsa, kajawi jamur tiram, salah setunggaling jinis jamur ingkang saged dados sumbering wulu wektu inggih menika jamur kuping.
Panggrimatan ingkang gampil ing salebeting budidaya jamur kuping, ndadosaken jinis usaha menika saged katindaken dening ibu-ibu minagka kangge nambah wulu pamedaling kulawarga. Bab menika ingkang ugi ingkang katindaken dening Wartini saking Pakem Binangun Sleman, kajawi nindaken usaha byudidaya jamur tiram piyambakipun ugi nindaken usaha tani budidaya jamur kuping. Dipun pilihipun usaha tani menika jalaran pangguwenthahipun ingkang gampil sawetawis panyuwunan peken tasih inggil. Saben wulanipun piyambakipun saged ngasilaken jamur kuping teles satus sedasa kilogram ingkang kasade dhateng bandung. Ing saklebetuing budidaya jamur kuping ugi sami kaliyan usaha budidaya jamur tiram, kangge ngirit beya, piyambakipun nindaken uaha jamur kuping menika manunggal kaliyan usaha budidaya jamur tiram. Sami kaliyan usaha budidaya jamur tiram bab wigati ingkang kedah cumwis ingih menika wontenipun winih ingkang gadhah bobot sae, saengga asilipun ugi maremaken. Winih jamur ingkang sampun cumawis wau ugi dipun tata ing setunggaling rak ingkang dipun damel saking deling, lan winih dipun tumpuk ing papan wau. Pangrimatan jamur kuping menika ugi sami kaliyan jamur tiram, menawi kawontenan media sampun ketingal garing ugi kedah dipun sirami mawi toya resik. Jamur menika saged dipun panen engga kaping enem, sasampunipun panen ingkang sepsianan. Jamur kuping menika dipun olah kangge campuran daharan wiwit saking sop, engga kripik jamur kuping. Sekilo jamur kuping pengaosipun ngancik gangsal welas dumugi kalih dasa ewu rupiyah saben sekilonipun.
