TVRI YOGYAKARTA NEWS – HENDRY
Sesadeyaning kerajinan saking bahan baken kulit, saking laladan Bantul, wekdal sakmenika kajawi kasade ing saklebeting negari, ugi sampun wiwit ngrambah peken manca negari.
Kados mekaten menika kridaning perajin tas kulit ingkang wonten ing laladan Nyemengan Tirtonirmolo Kasian Bantul. Sakderengipun pageblug Covid-19 pekenan tas kulit menika saged dipun kintun dateng mancanegari kadosta ing jepang lan belanda. Ananging wontenipun pagbelug menika pekenan tas kulit dateng mancanegari lajeng mboten wonten. Sanadyan ing wekdal sakmenika sesakit Covid-19 gunggungipun tansaya suda ananging kanyata dereng saged mbangsulaken kawontenan kados sakderengipun nalika pesenan skaing mancanegari inggil sanget. Manekawerni ukuran tas dipun damel wonten ing papan menika, pengaosipun gumantung kaliyan ukuran. Ingkang ndamel usaha menika tetep lumampah salah setunggalipun inggih taksih kathahipun pesenan tas alit utawi handbag saking manewerni perusahaan minangka kangge souvenir. Kulit lembu ingkang dados bahan baken pandamleing tas menika dipun datengaken skaing laladan ngayogyakarta kemawon. Kulit ingkang badhe dipun damel tas menika smapun dipun sukani werni. Lajeng ing papan menika nembe dipun pola lan dipun jahit saengga dados setunggaling tas kulit. Kejawi pesenan skaing perusahaan, rahayunipun ugi taksih wonten pesenan partai alit saking warga masyarakat. Tas ingkang nembe kathah dipun pesen ing wekdal sakmenika inggih tas jinis slingbag lan handbag. Kadang perajin nbgajab supados kawontenan pageblug menika enggal sirna saengga saged mekanaken malih dateng mancanegari lan ndatengaken pedamelipun malih supados makarya ing papan menika.
