TVRI YOGYAKARTA NEWS – WIDI-ROCHIM
Para pamirsa, salah setunggaling cara supados taneman jambu air saged mawoh ing sak jawining mansga, inggih menika lumantar pruning taneman.
Jambu deli madu menika asalipun saking laladan Deli Serdang ing Propinsi Sumatra Utara. Nama deli madu mekaten jalaran asalipun saking wewengkon deli, sawetawis madu jalaran saking manisipun raos jambu wahu. Sinaosa asalipun saking sumatra utara, ananging jambu deli madu menika kanyata ugi saged tuwuh kanthi subur lan mawoh kanthi sae ing laladan ngayogyakartya. Salah satunggaling laladan ingkang warganipun nindaken usaha budidaya jambu madu deli inggih menika ing laladan Jambidan, Banguntapan, Bantul, ingkang dipun budiadayaaken dening Mukriyanto. Ing papan menika wonten jinis jambu ijem, jene, super green engga abrit. Taneman jambu ingkang dipun budidayaaken katanem ing setunggaling wadah ingkang kawastanan planter bag. Kanthi dipun tanem ing planter bag menika kanyata saged mawoh sapanjanging tahun mboten gumantung kaliyan mangsa. Supados cepet mawoh dipun-rabuk mawi NPK saben kalih minggu sepisan kanthi ukuran setunggal sendok utawi gumantung kaliyan ageng aliting wit. Sawetawis menika, supados tuwuhing winih jambu langkung cepet, Mukriyanto ugi nambahi rabuk NPK saben kalih minggu sepisan. Ing saklebeting budidaya jambu madudeli media tanem ingkang dipun-ginaken inggih menika siti, brambut pantun, sarta rabuk kandang. Supados wit ipun mbotenh inggil, sarta wohipun saged dipun wohaken Mukriyanto gadhah cara inggih menika dipun pruning.
Saking winih ingkang dipun tanem saking inggil sekawan dasa senti kanthi cara cangkok, nem wulan sampun saged dipun awohaken. Kajawi saged dipun pendhet asilipun arupi jambu seger, nindaken usaha budidaya taneman ing planterbag menika ugi ndamel suasana lingkungan ingkang seger dalah cocok katanem ing kitha–kitha ageng ingkang papan padununganipun sampun rengket sanget.
