TVRI YOGYAKARTA NEWS – WIDI-HARIF YUDA
Pamirsa, usaha budidaya madu klanceng asilipun mikolehi. Saben panen, yutanan rupiyah saged dipun tampi dening kadang tani.
Kados mekaten menika usaha budidaya klanceng ingkang katindaken dening, ali mukan saking Padusunan Bandung, Pendowoharjo Sewon Bantul. Omah klanceng ingkang kangge nindaaken usaha budidaya klanceng menika beda kaliyan pembudidaya klanceng sanesipun. Omah klanceng menika dipun damel kanthi manekawerni cakrik griya tradisional saking saindening nuswantara, kepara ugi wonten cakrik baita sarta Tugu Jogja. Ali kuksan gadghah kekajengan, kanthi dipun damel cakrik ingkang kados mekaten menika kajawi kangge paring piwucalan dhumateng lare, ugi kangeg nepangaken bangunan-bangunan ingkang wonten saengga para lare mangertosi lan samangkenipun ugi gadhah krenteg nindaken usaha budidaya klanceng. Kanthi dipun damel cara menika, kanyata ugi saged kangge ngrengga griya.
Ing saklebeyting budidaya madu klanceng menika wonten klanceng hutan sarta klanceng ingkang asring manggen ing usuk-usuk griya. Menawi klanceng hutan werninipun langklung cemeng lan ukuranipun langkung ageng kapandingaken klaiyan klanceng oomahan, sawetawis menawi klanceng omahan ukuranipun alit lan werninipun semu soklat. Usaha budidaya tawon klanceng menika nembe kawiwitan ing tahun 2016 kapengker. Ali muksan ngandaraken bilih usaha budidaya tawon klanceng menika dados salah setunggling sumber wulu pamedaling kulawarga jalaran asilipun ugi mikolehi. Siansoa cakrik omah klancengipun manekawerni, easemanten ing saklebetinpun ugi kados dene budidaya klanceng sansipun. Kangge madahi madunipun ugi dipun damelaken setunggaling kothak. Ing saklebeting budidaya madu klanceng menika ali muksan, nanmung dipun papanaken ing pinggiraning griya sarta ing kebonipun. Kangge nyekapi kabetahan pakanipun, ali muksan nanem manekawerni ntaneman hias ing sakiwatengening griyanipun. Kathahing madu ingkang dipun asilaken menika gumantung saking kaliyan kathahing sekar ingkang wonten. Madu klanceng gadhah mupangat ageng tumprap kasarsanan sarta saged ngobati manekawerni sesakit propolis menapadene kolagen kangge njagi daya tahan badan. Nguiningani bilih prpoduksinipuntasih winates, sawetawis wekdal madu menika nembe dipun sade ing laladan DIY kemawon.
