TVRI YOGYAKARTA NEWS – MUCHAMMAD RIDWAN
Ing saktengahing zaman ingkang sarwamuka, tradisi tingkeban utawi mitoni kanyata taksih dipun lestantunaken, kados ingkang dipun tindaaken dening warga masyarakat Dusun Jetis, Kalurahan Wedomartani, Kapanewon Ngemplak, Sleman.
Mboten namung minangka wujud raos syukuripun tiyang sepuh kemawon, ananging tradisi tingkeban utawi mitoni nggadahi makna lan filosofi. Ing kelurahan wedomartani, upacara tradisi mitoni menika minangka kangge setunggaling sarana edukasi menggahing para wiranem ngawekani seks bebas menapadene kedadosakn ndarbini sakderengipun nikah. Miturut Kamituwo Kalurahan Wedomartani, Mujiburohman, tradisi tingkeban mujudaken setunggaling benteng sosial lan benteng moral. Miturut mujiburohman menawi tradisi tingkeban menika ical badhe mangaribawani mindhakipun gunggung tiyang ingkang ndarbini sakderengipun nikah. Awit saking menika, Pamerintah Kalurahan Wedomartani tansah ngupiyaaken dsupados tradisi mitoni menika tetep lestantun.
Rerangkening acara mitoni menika dipun purwakani adicara sungkeman, ngracik tirta kanthi sekar setaman saking pitung sumber toya wonten ing bokor kencana, siraman, gonta ganti jarik lan dipun lajengaken adicara brojolan kelapa gading, pecah tigan lan rebatan ayam jago lancur.
