TVRI YOGYAKARTA NEWS – JATMIKO HADI
Sinaosa asring dipun tanem ing dataran inggil, kanyata wit duren ugi saged dipun budidayaaken ing dataran andhap. Bab menika sampun dipun buktekaken dening saweneh warga saking Temon Kulonprogo ingkang nanem duren ing pekawisanipun lan ugi saged mawoh.
Slamet, warga Kebonrejo, Temon, Kulonprogo, pensiunan lurah menika kasil nanem lan ngawpohaken manekawerni jinis duren ing pekawisan griyanipun. Wonten sekawan jinis duren ingkang mawoh inggih menika montong, bawor, musangking lan duren lokal. Slamet ngakeni mbetahaken wekdal gangsal engga nem tahun kangge ngawoahken wit duren. Piyambakipun nyebataken biloih kasilaipun ngawoahken wit duren menika wonten ing purwakaning tanem. Winih ingkang dipun tanem mboten dipun lebetaken sedayanipun tanem ing saklebeting siti ananging dipun papanaken ing sak nginggiling siti. Bab menika supados oyot mboten bosok jalaran kembong toya. Langkung-langkung kontur siti ing laladan menika mujudaken siti lempung ingkang saged nyerep toya. Kajawi menika mlbet ing umur gngsal tahunan piyambakipun ngethoki pucukanipun, supados taneman tuwuhipun mboten inggil.
Miturut slamet mboten wonten cara mirunggan nalika nanem duren menika, rabuk kandang namung ing purwakaning tanem, sarta ajeg nyirami tanemanipun mawi toya limbah budidaya lele lan gurami. Slamet ugi mboten nggianken obat-obatan kimia kangge njagiu umur taneman langkung panjang.
