TVRI YOGYAKARTA NEWS – WIDI
Para pamirsa, mupangataken sumber daya alam ingkang wonten ing pekawisanipun, saweneh warga ing Bambanglipuro Bantul ndamel unjukan tradisional dawet ron pisang.
Es dawet umumipun dipun damel saking glepung wos menapadene glepung ketan, kanthi raos ingkang gurih lan manis. Ananging muryati warga saking Sidomulyo, Bambanglipuro, Bantul kanthi daya inovasinipun ndamel olahan dawet saking ron pisang. Saderengipun ndamel dawet saking ron pisang, muryati, wiwit tahun 2011 sampun ngolah pisang dados kripik pisang, muryati ngakeni bilih piyambakipun remen ngolah daharan kanthi bahan baken saking taneman pisang, jalaran sedaya perangan saged dipun mupangtaken. Kajawi kripik pisang, saklajengipun nindaken inovasi olahan arupi sale pisang, kripik tuntut pisang. Gilir gumantosing wekdal muryati tansah nindake inovasi lan ing tahun kalih ewu sekawan wela nyobi olahan pisang mboten namung saking woh lan tuntutipun, anangoing ugi saking bonggol, glepung pisang engga ronipun dipun damel dawet. Raosing dawet saking ron pisang menika ugi mboten bentan tebih kaliyan kaliyan raos dawet umumipun, manis lan gurih, ingkang radi benten namung ganda utawi aroma ron pisang. Setunggal wungkus esa dawet saking ron pisang menika dipun sade gansgal ewu rupiyah kemawon, lan saged dipun dadosaken pilihan unjukan nalika buka siyam. Dawet ron pisang menika kanyata ugi saged ngindaken bobot ekonomining ron pisang. Kajawi seger unjukan menika ugi gadhah mupangat tumprap kasarasan. Daya kreatifitasipun muranti, ndamel unjukan dawet ron pisang menika pikantuk kawigatosan warga masyarakat, mliginipun sutresno unjukan dawet menapadene tiyang ingkang kepingin nyobi unjukan menika.
