TVRI YOGYAKARTA NEWS – HENDRY
Wontenipun fasilitas ingkang tansaya jangkep ing laladan wisata wana mangrove Pesisir Baros, ndamel wisatawan tansaya sekeca ngendangi papan wisata menika, ngiras pantes kangge mangertosi mirungganipun wana mangrove ing papan menika.
Wana mangrove ingkang wonten ing laladan pesisir Baros Bantul ing wekdal sakmenika tansaya regeng. Awit saking menika panglola wisata wana mangrove baros inggih menika pokmaswas utawi kelompok masyarakat pengawas “baros lestari” sampun jangkepi fasilitas ing papanm wisata menika kangge ndamel wisatawan tansaya sekeca ngendangi papan menika. Fasilitas jejengkep wau ing antawiispun wande dahar ingkang nyudidyaaken unjukan lan nyamikan kangge wisatawan ingkang ngendangi papan menika. Anggeipun mbayar ugi saged migunaaken QR code utawi QRIS. Wisatawan saged ngaso sekedhap ing wande menika sinambi mirsani kawontenan wana mangrove ingkang wonten ing sakiwa tengening papan menika. Kejawi wande, ugi wonten gazebo lan ugi aula minangka papan kangge kempalan. Ing wande menika wisatawna ugi dipun segahi gegambaran kawontenaning wana mangrove nalika normal lan mboten normal saengga wisatawan ugi saged tumut njagi lestantuning wana menika. Dumateng wisatawna ingkang badhe ngrersaaken nyipeng ing papan menika, panglola ugi smapun nyudiyaaken manekawerni tenda lan jejangkepipun. Salahs etunggaling panglola wisata wana mangrove pesisir baro sngandaraken bilih gunggunging wisatawan ingkang ngendangi papan meika tansaya kathah, wisatawan ugi tansaya mangertosi kados pundi mirungganipun wana mangrove kangge njagi ekosistem ing papan menika.
