TVRI YOGYAKARTA NEWS – WIDI-HARIF YUDA
Para pamirsa, dumuging wekdal sakmenika, kadang tani tasih kewatan ing saklebeting ngendhaleni ama keong mas. Salah setunggaling kupiuya ngendhaleni keong mas inggih menika dipun pendeti tiganipun sakderengipun netes.
Keong emas mujudaken setunggaling ama ingkang dumugining wekdal samenika tasih dados pepalang nalika kadang tani nindaken usaha tani mliginipun pantun. Taneman pantun ingkang dipun rebasa keong mas dados punthes. Manekawerni cara kangge nrenggalangi keong mas sampun katindaken dening kadang, wiwit ngginaken obat-obatan, cara mekanis engga nggantos pola tanem, ewasemanten ama keong menika dumugining wekdal samenika dereng saged dipun kendhaleni kanthi tuntas, keong mas menika saged tahan setunggal mangsa tanem palawijo, lan menawi kenging toya saged nigan malih. Keong mas menika ngrembakanipun cepet sanget, saben setunggal keong saged ngasilaken tigan engga tigang atus iji, lan saben kalih minggunan sampun netes. Mboten namung ing wit pantun, tigan-tigan keong menika ugi nemplek ing galengan pesabinan. Krama kadang tani saking laladan demang rejo, sentolo kulon progo mratelaken bilih sinaosa, dereng saged kapetang irit lan murakabi, kangge ngirangi keong mas inggih menika dipun pendeti setunggal mbaka setunggal. Kajawi menika ugi mendeti tigan ingkang wonten lan dpun bucal ing toya.
Saking kupiya menika, keong dereng nyebar saengga langkung ngirit beya lan tenaga. Krama ngajab dhumateng kadang tani ing saklebeting nanem pantun katindaken kanthi sesarengan kangge ngirangi ngrebasaning ama lan sesakit sarta ngirangi kapitunan.
