TVRI YOGYAKARTA NEWS – SETYA BUDI
Kadang tani ing laladan Wonosari, Gunungkidul pikantuk asil ingkang martemaken saking asiling budidaya terong. Regi terong sakmenika ngancik wolung ewu rupiyah saben sekilonipun.
Mansga jawsah ingkang dumados ing laladan Kabupaten Gunungkidul paring berkah tumprapipun kadang tani ingkang nanem terong. Kadang tani wekdal sakmenika pikantuik asil ingkanmg sae kapandingaken kaliyan wekdal sakderenipun. Regi terong sakmenika awis. Subardi saweneh kadang tani saking tawarsari wonosari ngandaraken regi terong ing tyataran kadang tani sakmenika ngancik wolung ewu rupiyah saben sekilonipun, kamnbgka ing mangsa tanem sakderengipun reginipun namung tigang ewu rupiyah kemawon saben sekilonipun. Dipun andaraken dneing subardi bilih regi terong wiwit mindhak laras kaliyan mandhapipun jawah. Asiling usaha tani ingkang sae menika ugi dipun imbangi kanthi gancaripun nalika nyade asiling tetanen. Jalaran langka ing peken, kathah pengepul ingkang sami pados terong engga ing lahan tetanen. Ing lahanipun Subardi menika taneman terong dipun tumpangsari kaliyan komopditas sanes arupi lombok rawit. Kadang tani ngajab supados regi tetep ajeg, saengga saged kangge nutup beya ngruimat taneman ingkanbg inggil ing mansga jawah lkados wekdal sakmenika.
Ing kawontenan jawah deres kadang tani langkung setiti lan temen anggenipun ngrimat taneman. Taneman terong gampil risak ingkang ndayani medhaking produksi. Mangsa rendheng saged ndayani woh terong sami rontok.
