TVRI YOGYAKARTA NEWS – MUCHAMMAD RIDWAN
Kupiya ngleluri budaya salh setunggalipun inggih menika njagi tradisi. Lumantar desa mandiri budaya ing Kalurahan Wedomartani, Kapanewon Ngemplak, Sleman, DIY, tradisi tedak siten tasih katindaken.
Ing saklanbeting nindaaken upacara tradisi tedak siten, manekawerni ubarampe dipun cawisaken kadosta, kurungan ayam, andha saking tebu lan dolanan anak. Daharan tradisional dumados sakintg pitung werni ugi dipun cawisaken. Kajawi menika ugi wonten pirantos musik, papan kangge nyerat lan potlot, arta sarta manekawerni raja brana dipun lebetaken ingv kurungan ayam. Peralatan, mulai musik, alat tulis, uang, dan berbagai perhiasan disajikan didalam kurungan ayam. Sawetawis daharan tradisional jadah pitung werni dipun damel saking wos ketan, bubur boro boro saking katul lan jajanan pasar. Dipun awiti lare ngidak cacah pitu jadarh werni ing setunggaling baki, sukunipun lare saklajengipun dipun wisuhi mawi toya kembang. Dipun ampingi dening tiyang sepuhipun saklajengipun lare menek andha ingkang dipun damel saking tebu. Upacara dipun pungkasi kanthi nglebetaken lare ing kuruingan ayam rinengga dlancang manekawerni saperlu milih salah setunggal ubarampe ingkang sampun dipun cawisaken wau.
Upacara thedak siten katindaken kangge ngladi mandireng pribadi lare ing tembe ngajeng. Dumados saking kalih ukara inggih menika, tedhak werdinipun napakaken suku, sawetawis siten maknanipun siti. Upavcara menik katindaken nalika lare nembe umur pitung wulan jumbuih kaliyan tuwuh mekaring lare ingkang sinau badhe lungguih, lan mlampah ing siti. Mboten namung tiyang sepuh ingkang ngampingi ing u8pavcara menika, ananging ugi sedaya krabat kulawarga, ingkang kaajab paring donga pamuji supados lkare saged kalis saking rubeda nir ing sambikala.
