TVRI YOGYAKARTA NEWS – WIDI-HARIF YUDA
Para pamirsa, budidaya lele mujudaken setunggaling usaha ingkang tasih gadhah kalodhangan paeken ingkang tinarbuka. Sinaosa kapetang gampil pembudidaya lele kedah migatosaken bibit, manajemen toya, pakan engga maanjemen produksinipun.
Ulam lele mujudaken setunggaling jinis ulam ntoya tawar ingkang sampun kathah dipun budidayaaken dening arga masyarakat. Budidaya lele menika saged majeng kanthi sae jalaran saged dipun budidayaaken ing lahan lan sumber toya ingkang winates kanthi nyebar winih ingkang kathah. Kajawi menika pekenaipun tasih tinarbuka lan pawiytan ingkang namung sekedhik. Saben dintenipun atuan ton ulam dipun betahaken dening wande-wande daharan ingkang ngginaken bahan baken ulamn lele. Gunggung kaebat dereng saged dipun cekapi dening kadang tani ing laladan DIY, saaengga kedah datemgaken lele konsumsi saking sak jawining laladan. Nguningani kawontenan ningkang mekaten menika usaha budidaya lele mujudaken salah setuhnggaling kalodangan usaha ingkang tasih tinarbuka lan mikolehi. Sinaosa mekaten supados asilipun maksimal, saweneh pembudidaya lele ingkang manunggal ing Pokdakan Alam Tirto saking Duwet 2, Banjarharjo, Kulonprogo, Agus mratelaken, perkawis ingkang kedah dipun gatsoaken ing saklebeting budidaya lele ingih menika winih, pakan, manajemen produkis sarta manajemen toya.
Agus nambahaken, perkais pakan mujudaken bab ingkang nemtoakekn sanget ing budidaya lele menika. Awit saking menika ing sak lebeting budidaya lele pokdakan alam tirta nginaken pakan pabrikan ingkang gadhah bobot sae. Ananging sasampunipun dipun etang-etang antawiwipun beya produksi lan asil, tasih pikantuk bathi kawan ewu dumugi nem ewu saben sekilonipun. Lele ingkang dipun budidaya agus menika lumantar teknologi bioflok. Saben setunggal blumbang menika dipun isi lele tigang ewu engga seakwan ewu iji. Lele jinis sangkuriang menika dipun panen sasampunipun sewidak dinten, saking winih ukuran setunggal nyari. Asiling budidaya lele menika sampun dipun pendet dening pengepul kanthi regi kalih dasa ewu rupiyah saben sekilonipun.
