TVRI YOGYAKARTA NEWS – WIDI-YUDA
Para pamirsa, usaha nglemok-aken menda gembel utawi domba, gadhah pangajeng-ajeng ingkang sae, jumbuh kaliyan saya kathaipun panyuwunan peken. Salah setunggaling cara inggih menika tumbas cempe lajeng dipun lemokaken kanthi jangka wekdal sekawan wulanan.
gunggunging wande daharan ing laladan Ngayogyakartya ingkang ngginaken bahan baken daging menda, ngancik ewonan. Saking gunggung kala wau, saben dintenipun mbetahaken menda gesang engga sewu kalih atus iji, lan ing wewengkon Kabupaten Bantul ingkang kathah piyambak ngancik wolung atusan menda siyaga pragat. Emanipun menda ingkang dipun budidayaken dneing kadang tani ing laladan diy dereng saged nyekapi kabetahan kasebat. Chamim tohari sawemeh kadang tani saking Pundak, Nanggulan, Kulonprogo mratelaekn inggiling panyuwuanan mujudaken setunggaling kalodhangan usaha ingkang mikolehi, wekdal sakmenika piyambakaipun nmbe nindaken usaha nglemokaken menda gembel utawi domba. Cempe-cempe ingkang dipun tumbas saking kadang tani ing laladan DIY, kepara saking laladan pulo Sumatra, dipun lechamim tohari nembe nglemokaken kawan atusan iji cempe. Ing saklebeting budidaya cempe menika piyambakipun mboten nyukani pakan rambanan utawi suket ananging pakan garingan ingkang dipun pasok dening saweneh suplayer. Sasampunipun dipun gulawenthah sadangunipun kalih wulan cempe–cempe menika sampun dipunpendet para juraghan wande ing DIY.
Saking analisa usaha taninipun, cempe menika dipun tumbas ing kisaran regi pitung atusan ewu rupiyah, sawetawis kangge beya pakanipun saben dintenipun kalih ewu gansgal atus rupiyah. Sadangunipun kalih wulan beya kangeg pakan satus seket ewu rupiyah. Sawetawis kangge anak kandang saben setunggal iji menda, opahipun gansgal atus rupiyah sedintenipun, sasampunipun kalih wulan menda ingkang sampun lema kala wau dipuns sade setunggal yuta kalih atus dumugi kalih yuta gansgal atus, gumantung kaliyan ageng alitipun.
