TVRI YOGYAKARTA NEWS – WIDI-YUDHA
Para pamirsa, usaha budidaya ulam nila asilipun langkung mikolehi kapandhinagken kaliyan kangge nanem pantun ing wiyaran lahan ingkang sami.
Panyuwuanan ulam nila ing laladan diy gilir gumantosing wekdal saya inggil, laras kaliyan kathahing wande menapadene restoran ingkang mbetahaken. Nguningani kawontenan ingkang mekaten menika usaha budidaya nila, sae menika ndamel winih menapadene ngagengaken ulam nila siap klonsumsi temtunipun badhe mikolehi, saweneh warga ingkang sampun nindak-aken usaha budidaya nila ingih menika Sukijo saking Dengok, Tanjung Harjo, Kulonprogo, ing wekdal sakmenika piyambakipun gadhah kalih blumbang kanthi ukuran setunggal meter kaping gansagl meter, kapilihipun usaha ndamel winih ulam nila menika jalaran asilipun langklung mikolehi, awit pakanipun dereng mbethakaken kathah, namung ngginaken pakan alami arupi uget-uget lemut menapadene kutu air ingkang dipun budidayaaken piyambak. Kajawi menika budidaya nila menika langklung gampil mboten mbetahaklen pangrimatan ingkang njlimet kadosdene budidaya ulam sanesipun. Indukan cekap dipun lebetaken ing blumbang kemawon sampun purun nigan. Saben setunggal pasang indukan saged ngedalen tigan kawan atus engga kalih ewonan iji . Sasampunipun netes buyakan utawi anakan nila wau dipun pindah ing blumbang sanes. Kajawi dipun disade arupi buyakan, usaha budidaya ulam nila menika ugi saged dipun sade lumantar cara sistem segmentasi, umpanipun saking ukuran buyakan, glondoong, nyari lan sakpiturutipun. Lumantar cara menika kanyata ubenging ekonomi ing masyarakat langkung cepet.
