TVRI YOGYAKARTA NEWS – SETYA BUDI
Taneman labu madu sakmenika katah dipun budidayakaken kadang tani ing laladan Kabupaten Gunungkidul minangka taneman sela ing kebonan. Kajawi menika cakrikipun ingkang nyleneh taneman labu madu ugi saget dipun mupangataken kangge ngrengga griya.
Kados mekaten menika wujudipun taneman labu madu ingkang dipun budidayakaken dining kelompok tani Gading Playen Gunungkidul. Ing laladan menika taneman labu madu utawi butternut squash dipun tanem ing sela selaning taneman lombok. Benten kaliyan taneman labu padatan, labu madu menika gadahi cakrik ingkang nyleneh. Kepara katah saking warganing masyarakat ingkang nyebat taneman menika memper kaliyan lampu bolam utawi plenthong. Klempakan tani ing papan menika sengaja nanem labu madu ing sela selaning taneman utami arupi taneman lombok, lan dipun rambataken ing lanjaran arupi deling ingkang dipunbentuk lorong. Saengga kajawi dipun pendhet wohipun, wontenipun taneman labu madu menika saget dipun mupangataken kangge ngrengga griya. Miterat paneliten, labu madu menika gadahi sawetawis kandetan ingkang sae tumrap badan, wiwit saking inggil serat, antioksidan, engga betakaroten ingkang saget ningkataken daya tahan badan. Taneman labu madu piyambak saget dipun panan saksampunipun umur 80 dumugi 90 dinten sak sampunipun dipun tanem. Pangrimatanipun ugi namung gampil, kados ngrimat labu padatan. Pramila menawi panjenengan gadahi lahan ingkang omber, mboten wonten klentunipun menawi nanemj labu madu menika ing lahan pekartangan panjengenahan.
