TVRI YOGYAKARTA NEWS – WIDI-YUDHA
Para pamirsa, kepengurusan Sedulur Touring Merapi Community utawi STMC tahun 2025-2028 saking pengurul lami Isac Indarto dhumateng Sutrisno, mertandani babak enggal komunitas ingkang maddheg ing tahun kalih ewu wolulas.
Wisudan kepengurusan enggal klempakan utawi komunitas Sedulur Touring Merapi Community, tahun 2025-2028 katindaken dening panjwat saking Dinas Pariwisata Sleman. Pangarsa STMC lami Isac Indarto dipun gantosaken dening pengurus enggal inggih menika Sutrisno. Sutrisno moinagka pangarsa enggal STMC ing kalodhangan menika nagdaraken bilih ing tembe ngajengfipun komunitas menika badhe langkung aktif ngadani krida ingkang langkung mupangat dhumateng masyarakat. STMC gadhah komitmen badhe anyengkuyung program-program pamarintah ing saklebetoing badhe majengaken pariwisata lan ekonomi rakyat. Kajawi touring ing jujugan wisata STMC ing tembe ngakjengipun ugi badhe aya ajeg ngadani krida sosial, lan mucaalken kawilujengan nitih kendaraan. Sawetawis menika Bupati pinilih Sleman Hardo Kiswoyo pesen dhumateng warganing STMC supados pengurus enggal menika saged njagi kekompakan antawisipun warganipun. Stmc ingkang warganipun sampun ngancik kalih atus tiyang menika ugi kaajab dados mkitra pamarintah ing saklebeting badhe ndamel majuning sektor wista ing Sleman mliginipun lan indonesia umumipun. Kanthi pengurus enggal menika hardo kiswoyo ugi wanti wanti supados saged langkung asung panjurung ingkang positip dhumateng pembangunan daerah. Kawuningana bilih STMC mujudaken klempakaning warga masyarakat ingkang remen nindaken touring ngginaken pit montor. Klempakan menika wiwitanipun namung mujudaken grup WA, ingkang saklajengipun sami sarujuk ndamel klempakan ingkang saklajengipun kaparingan nama STMC. STMC dipun kepyaken rikala tahun 2018 kapengker dening kepala Dinas Pariwisata Sleman. Dumugining wekdal sakmenika gungguning warganing Sedulur Touring Merapi Community STMC ngancik kalih atusan tiyang. Mboten wonten syarat tinamtu menbawi badhe dados warganiong klempakan, ingkang baken gadhah krenteg suka tetulung dhumateng sesame.
