TVRI YOGYAKARTA NEWS – SETYA BUDI
Woh mlinjo saking laladan Kabupaten Gunungkidul mekaten kawentar awit kualitasipun ingkang sae. Pramila mboten maiben bilih katah saking para bakul lan pengepul saking sak jawining gunungkidul ingkang sami pados woh mlinjo saking Gunungkidul.
Laladan Kabupaten Gunungkidul siring kidul utawi ing laladan pesisir, katah dipun panggihaken taneman mlinjo ingkiang dipun budidayakaken dining warga masyarakat. Pramila woh mlinjo gampil sanget dipun panggihaken ing peken – peken tradisional ing laladan menika. Mboten namung dipun sade ing pekenan lokalm kemawon, kepara katah saking para bakul lan pengepul mlinjo saking sak jawining laladan Gunungkidul kadasta Klaten lan Ngajogyakarta ingkang sami pados mlinjo Gunungkidul. Salah saweneh pengepul woh mlinjo ing Kapanewon Saptosari Gunungkidul Endri nelakaken, biilih piyambakipun ajeg ngintun woh mlinjo dumateng para bakul lan pengepul mlinjo ing laladan godean sleman lan klaten jawa tengah. Mlinjo ingkang dipun kintun menika wujudipun tasih seger lan dereng dipun onceki. Kajawi dipun ginakaken kangge bahan baken ndamel emping, kulit mlinjo ugi pajeng dipun sade minangka bahan bakeng kangge janganan. Sawetawis menika panyuwunanipun kanyata ugi inggil. Ing wulan Oktober dumugi Desember menika piyambakipun saget ngintun engga 3 ton mlinjo.
Endri lan para pengepiul mlinjo ing laladan Kabupaten Gunungkidul piyambak ngintun mlinjo dumateng para lenggananipun ingkang mlinjonipun sampun tuwa, ingkang dipun pertandani werni kulitipun ingkang gadahi weni kuning lan abrit.
