TVRI YOGYAKARTA NEWS – PAULUS YESAYA JATI
Prihatos awit katahipun botol lan sandal bekas ingkang mboten dipun ginakaken malih, warga Gedongkiwo Kitha Ngayogyakarta salajengipun mupangataken barang bekas kasebat dados manekawerni karya seni.
Kados mekaten menika kridanipun anton lukman hakim lan rencangiun budi brindil, nalika ndamel karya seni ingkang bahan bakenipun hginakaken tilasing gendul plastik bekas lan sandal jepit bekas. Ing astanipun kekalih warga Gedongkiwo Mantrijeron Kitha Ngayogyakarta enika, sandal jepit bekas menika dipun damel dados patung kreasi kanthi manekawerni cakrik. Sawetawis botol plastik bekas menika dipun damel dados sovenir kanthi manekawerni cakrik, wiwit saking gambar Garuda Pancasila, simbul Kraton Ngayogyakarta Hadiningrat, engga satunggaling tokoh wayang. Anton lan budi menika sampun nindakaken pakaryan menika wiwit tahun 2017 kapengker, ingkang rumaos prihatos awit katahipun barang bekas ingkang namung dipun bucal kemawon lan mboten dipun mupangataken dados barang ingkang gadahi piguna. Barang–barang bekas menika dipun pikantuk ing sawetawis papan salah setunggalipun ing lepen winanga. Kangge ndamel setunggaling karya seni saking barang bekas menika dipun betahaken wekdal ingkang kapetang danu, gumantung kaliyan cakrikipun. Sinten ingikang nyana, menapa ingkang dipun tindakaken dinig anton lan budi menika kanyata saget ngasilaken. Karya seni saking barang bekas menika dipun sade ing masyarakat kanthi pengaos wiwit saking 50 ewu dumugi 150 ewu rupiyah saben ijinipun. Kajawi lumantar gethok tular, panyadening karya seni menika ugi mupangataken media sosial. Menapa ingkang dipun tindakaken dining kekalih wiranem menika, mujudaken salah setunggaling kupiya kangge ngirangi uwuh barang bekas ingkang gunggungipun tansaya katah ing masyarakt.
